பாராட்டுப் பொய்மைகள்
***************************
பாராட்டுப் பொய்மைகள் -
தாக்குண்டு தாக்குண்டு
உட்காயங்களில் நடக்கிறேன் -
பொய்த்திரைகள் மென்மேலாய்
என்னுள் இறங்கிட இறக்கிட
இதயத்தின் பார்வைகள்
தெளிவற்றுத் திரிந்தன -
'அறிஞன் கலைஞன் அற்புதன்'
ஆயிரம் பொய்மை 'போற்றிகள்' -
என் புகழில் ஊறி ஊறியே
அகம்பாவத்தில் அழுகி மிதந்தேன் -
திரைகளைக் கிழித்து
பொய்த் தலைகளைக் கொய்து
எனைக் காட்டிட விழைகையில்
ஏற்காது துரத்தும் எச்சில் எய்தல்கள் -
திரைகளின் வெம்மையில்
புழுங்கி வியர்த்தவன்
நிர்வாண நடைகளில்
இறக்கைகள் பெறுகிறேன் !
****************************************************
------------சந்திர கலாதர்
*****************************************
No comments:
Post a Comment