மனநலம் இழந்த பெண்

 

&

 

பெண்ணே !

 

எங்கே உன் பார்வை தொலைந்து போகுது ?

 

எந்த சோகம் தன்னுள் மூழ்கி போகுது ?

 

எங்கே உன் மனது தேங்கிப் போனது ?

 

என்ன என்ன எண்ணம் எல்லாம் உன்னுள் குவியுது ?

 

அவற்றில் எது ஒன்று உன்னில் முறுவல் பூக்குது ?

 

எது ஒன்று உனைக் கோபம் தள்ளுது ?

 

எதுவம்மா  உன்னைச் சிரிக்க வைக்குது?

 

உன் உலகை உனக்காக நீ படைத்தாயோ ?

 

கடவுள் தந்த இவ்வுலகம் போதவில்லையோ ?

 

இவ்வுலகம் என்று தாயே நீ திரும்பப் போகிறாய் ?

 

ஏளனங்கள் இகழ்ச்சிகள் என்று விரட்டப் போகிறாய் ?

 

படைத்தவனிடம் என்னதான் பேசுகிறாயோ ?

 

பெற்றவளின் நெஞ்சம் இங்கு நொந்து போகுதே -

 

இந்த நோய்க்கு மருந்தேதும் உலகில்  இல்லையோ ?

 

 

---சந்திர கலாதர்          

--